අද (22 ඉරිදා) අලුයම 1-2ත් අතර කාලයේ කොළඹ බොරැල්ල පොදු සුසානභූමියේ ආදාහනාගාරය ක්‍රියාත්මක වෙමින් පැවති බව ප්‍රදේශවාසීහූ පවසති.
සාමාන්‍යයෙන් රාත්‍රී 7.00න් පසුව ආදාහනාගාරයේ කටයුතු අවසන් කිරීමට නියමිත වුවද අද අලුයම එය ක්‍රියාත්මක කරවීම සැකසහිත බවද ඔවුහූ පෙන්වා දෙති. අද අලුයම 1.40 - 2.00 අතර කාලයේ මෙලෙස ආදාහනාගාරය ක්‍රියාත්මක වී ඇති අතර සුසාන භූමිය අසල ජීප් රථ දෙකක් සහ වෑන් රථ දෙකක් නතර කර තිබී ඇත. එමෙන්ම හමුදා ඇඳුම්වලට සමාන ඇඳුම්වලින් සැරසුනු පිරිසක් සුසාන භූමිය තුළ රැඳී සිටි බවද වාර්තා වේ.
මෙලෙස ආරක්ෂක අංශවල මැදිහත්වීම සහිතව මෙලෙස රහසේම ආදාහනාගාරයේ යම් කිසි මලසිරුරක් පුළුස්සා දැම්මේද යන්න පිළිබඳ සාධාරණ සැකයක් පහළ වන බවද මේ පිළිබඳ තොරතුරු අප වෙත වාර්තා කළ ආරංචි මාර්ග පවසයි. මෙයට පෙර ජනතා විමුක්ති පෙරමුණේ නායක රෝහණ විජේවීර මහතා ඇතුළු කිහිප දෙනෙකුම මෙලෙස ආදාහනය කළ බවද එම ආරංචි මාර්ග වැඩිදුරටත් පෙන්වා දෙයි.
No comments:
Post a Comment