ජනවාර්ගික ප්‍රශ්නයට විසදුමක් ලෙස '13+ වර්ගයේ විසදුමක් ලබා දීම', ශ්‍රී ලංකාවේ ස්වෛරීත්වය කෙළෙසන 'රට දෙකඩ කිරීමකට සමාන ක්‍රියාවක් වන්නේය' යනුවෙන් එ.ජා.ප. සජිත් පාර්ශවයේ නීතීඥ ශිරාල් ලක්තිලක 'පුවත්පතකට' ප්‍රකාශ කර ඇතැයි වාර්තා වේ.
එසේම එහිදී ශිරාල් වැඩිදුරටත්, එ.ජා.ප. නායක රනිල් වික්‍රමසිංහ විවේචනය කර ඇත්තේ, ඉන්දියාවත් සමග එක්ව 'ශ්‍රී ලංකාව බෙදා වෙන් කිරීම සදහා කුමන්ත්‍රණයක නියැලෙන්නෙකු' වශයෙනි.
මෙලෙස හදිසියේ ම 'බෙදුම්වාදය' භීතිකා රෝගයෙන් කෑමොර දෙන්නේ 'බෙදුම්වාදය' යන්න සිය 'දිව මතුර' බවට පත් කරගත් විමල් වීරවංශ නොව, කලින් බලය බෙදාහැරීම පිළිබද ප්‍රශස්ත ඇගයුමක සිටි මුලින්ම 'වම'ට බර ව සිට, පසුව 'දකුණු ලිබරල් වාදය'ට නැඹුරු වී අනතුරුව අතර මැදි 'සමාජ ප්‍රජාතන්ත්‍රවාදය'ට ද නෑකම් කියූ නීතීඥ ශිරාල් ලක්තිලකය.
ඔහු දැන් නියෝජනය කරන සජිත් පිළේ කිහිපදෙනෙකුම පසුගිය දින වල 13 විරෝධී මත පළ කළ අතර ශිරාල්ට සිදුවී ඇත්තේ, ' වැටී සිටින බදුනේ හැඩයට පත්වීම' ට ද? නැතිනම් මේ සමාජයට පේන්නට රැඩිකල් කෝටි ඇද සිටින ඇත්ත ශිරාල් ද ?
No comments:
Post a Comment